قصيدة ً كتبتها لحبيبتي وحنا صغار

من طرف **فهد بن محمد** الخميس مارس 26, 2020 7:01 pm

استبشري يا اوراقي الصفراء بعد طول السنين
.................... جاك الفرج قصايدي من بعد طول الانتظار

كنت احفظك في دفتر ٍ سميته السر الدفين
..................... كنت خايف انشرها هنا مابين شعار ٍ كبار

اليوم ابكسر حاجز الرهبه وانفذ ما تبين
........................... ابنشرك في منتدانا واعتقد نعم الخيار

ابكشف اول صفحة ٍ من دفتر الشعر الحزين
..............................قصيدة ً كتبتها لحبيبتي وحنا صغار

كانت ثلاث بيوت اول بيت (باكر تلعبين)
...............والثاني (في نفس المكان انا انتظر تحت الجدار)

وثالث بيوتي (اسبقيني دائما تتاخرين)
................... هذي هي اول صفحة في دفتري بالاختصار

ومن بعد صفحة واحد انقلكم الى صفحة ثنين
.......................... طبعا بعد ما مرت سنين ً وسمونا كبار

اواه يالشوق القوي اواه ياجيش الحنين
.................... وش صار فالدنيا بعدنا ماكبرنا ويش صار

قلبين مسجونه هنا تسكن لها بيتين طين
.......................... ومكان كنا نلتقي به صار يعلوه الغبار

وصفحة ثلاثه ابتديت اكتب لها لو تعلمين
....................... بواحد ٍ اظلم عليه الكون في وضح النهار

وفي باقي الصفحات انين ثم انين ثم انين
........................... انات واحد سجل الانات قبل الانهيار