الشعر يا بسمه ويا دمعة انسان

من طرف **فهد بن محمد** الجمعة سبتمبر 21, 2012 3:16 pm

..

ماهو مهم اكتب قصايد اذا كان
.............. ما للقصايد من سهر واحتراها

بس المهم ان القصايد والاوزان
............ تعرف من الي يحسبون شْعَرَاها

والي قراها شخص فاهم وفنان
................. ماهو مجرد أي واحد قراها

ياما حلا السجه اذا كنت طربان
................ ليلة شعر يستمتع الي سراها

عصفورتي تنقلي بين الاغصان
................ ترى حلاة السالفه في طراها

خلي قصايد ياحبيبي بالاحضان
................ هذي مهيب الي ندور وراها

خليتها للي يسمونه فلان
.............. كل سلعة ٍ تلقى زبونٍ شراها

ماجيت احط لها دعايه واعلان
................ كل ٍ يعرف الطيبه من يراها

الي يلصمقها على غير برهان
.................. قامت تفكك مانفعها غراها

الشعر يابسمه ويا دمعة انسان
............. وتناقض الاحساس كان افتراها

مايكْمْل لنقصك اذا فيك نقصان
............... ولا يرفع لنفس ٍ بها ما زراها

احيان اشوف انه وانا اقول احيان
................ بعد الثريا فالسماء عن ثراها

..