انا من ضيعه انسان بشكل ٍ غير انساني

من طرف **فهد بن محمد** الثلاثاء مارس 24, 2020 10:58 pm

انا من هو انا تسأل وانا المسؤول ما ادري

............... انا مثلك مضيعني ولا ادري وين بلقاني

نثرت ايام عمري للضياع وضيعت عمري

.............. وما زلت انتظر يوم ٍ من الايام ما جاني

اذا تبغى تعرف اسرارها دور على شعري

.................. وحاول لاقريته كود تقدر فيه تقراني

وعلمني انا مثلك ترى محتار في امري

.............. وعطني للحقيقة وش لقيت بخط فنجاني

تأكد كيف ما جات النتيجه يتسع صدري

............ انا ما ابحث عن الترتيب لا اول ولا ثاني

انا همي فقط ان القصيدة لالفت بدري

............... توقف تنتظرني او بالاحرى ما تعداني

اسلمها شغاف الروح حتى بالغلا تدري

............. ترتب لي حروفي بعد ما تعبث باشجاني

ابي لامن ضوى ليل الشعر ناديتها نسري

........... ونسري سرية كلما رجعت اقول ماامداني

ابيها تستثير الليل ويطري فيه ما يطري

.................. ابي ليل ٍ ايلا همته الى ليلاي وداني

ابيها تاخذ اشواق ٍ خذت للصبر من صبري

............... توصلها الى من سكـّن الغربه باوطاني

الا يا نسمة الفجر الندي احتاج لك فجري

............... ما عاد طيوره تغرد وكل ٍ ضيع الثاني

صباحي ضاع في ليله ولا عاده على خبري

.............. تلخبط كل شي في غيابك ضاع عنواني

من اول حد في قلبي الى آخر حد في فكري

........... سكنتي في مساحة اسمها بالضبط وجداني

الا يابسمة الدنيا وزهر الروح يا عطري

........... ما عاد الزهر من بعدك يفوح الا باحزاني

احبك رغم كونك تستلذين بصدى هجري

.......... عرفتي وش غلاك وقلتي اقدر كان تنساني

الى منهو سألني من انا للحين ما تدري

............. انا من ضيعه انسان بشكل ٍ غير انساني