لامن بغيت تصد علمني عشان ابعد بعيد

من طرف **فهد بن محمد** الخميس مارس 26, 2020 11:42 pm

لامن بغيت تصد علمني عشان ابعد بعيد

...................... ترى البشر في مثل هالحاله تمل نفوسها

وعشان ما اصبح فرجةٍ للي يشوفوني وحيد

...................... ناس ٍ ليا مرت علي وقفت تهز لروسها

من شان والله ما ضربهم ما ضربني فالوريد

........................ نبضه تجرجر نبضة ٍ متعثره وتدوسها

تسأل وش اللي صار عقبك نفس الاول لاجديد

....................... ارتب أسنين العمر وبساعتين تحوسها

وتسأل وش اللي لك كتبته في غيابك من قصيد

..................... كتبت ما بكـّى القصايد وانتحر هاجوسها

خليتني في حالة ٍ يرْثِي لها الحزن الشديد

...................... حتى طواريق الحزن ما مرته بدروسها

ما اقول اسامر ليل انا في داخلي ليل مديد

....................... يوم الليالي روحت خلت معي منحوسها

مرت سنه فتشت فيها عن اثر صبح ٍ جديد

...................... قطعة ظلام ٍ ضيعت لاقمارها وشموسها

متخبط ٍ بين الرجاء والياس لكن الاكيد

.................... ان الرجاء مات وشرب دم الرجاء ميؤسها

كم ناحت الورقا بصدري فوق يبّاس الجريد

......................... ياكم قبيله للآلم بي مارست لطقوسها

لاقلت يكفي يالشقا صارت معه هل من مزيد

....................... حتى الشقا يفهم عباراتي على معكوسها

ما قلت لك لامن بغيت تصد علمني واعيد

.......................... نفس الحكاية كلها واعيشها بكابوسها

لكن فقط اببتعد عن عالم الناس السعيد

............................. اقلها ما تاقف الناس وتهز لروسها