ماهي قصايد شاعر ٍ متميلح ٍ بين اخوياه

من طرف **فهد بن محمد** الجمعة يونيو 08, 2012 8:07 pm

بين اهتمامي بالشعر وبين اهتمامـات الحيـاه
.......................... مفارقـه عنـدي عجيبـه مــا استطـعـت احلـهـا

ماكني الا من قنص كل مـا طـرح طيـره قطـاه
............................ والا حبارى مـا اقتنـع دور علـى اخـت ٍ لهـا

مغيـر اورد هالقلـم ياأمـا الـورق والا الــدواه
........................... وانـهـي قـصـيـده وانـتـظـر للثـانـيـه واحبـلـهـا

يمكن تقولـوا ياتـرى وش جـاه والاّ وش بـلاه
............................. ضـيـع مـســارات الـشـعـر لا والله الاّ /ادلـهــا

لا تحسبـون انـي اهيـم بـلا هــدف والاّ اتـجـاه
............................. دايم اضـع لـي نقطـة تسـوى عشـان اوصلهـا

ماهي قصايد شاعر ٍ متميلح ٍ بين اخويـاه
............................. اللـي يحسـب ان الشعـر يدخـل تحـت / بنفلـهـا

يالشاعر اللي تحسب ان الشعر في هيّه وهاه
............................. هـذي عسـى الله لا يهينـك وسـط مـويـه بلـهـا

ما كل من يرمي هدف صاد الهـدف لمـا رمـاه
.............................. ولا تعتبر كل السيوف سيـوف مـع مـن سلهـا

المشكـلـه انــي ادور فالشـعـر عـــن منـتـهـاه
................................ وايلا انتهـت بـي مرحلـه جـت مرحلـه واتلهـا

مـر ابتديهـا بيـاسـرى ليـلـي ومــرات ٍ ب آه
............................... ومـر ابتديهـا بيـا هــلا بــك واستـخـف لظلـهـا

ومر اختتمها نشوة الفرحـه علـى حـدّ الشفـاه
................................. ومــر اختتمـهـا دمـعـتـي تجتـاحـنـي و اهـلـهـا

وبين اختلافات الشعور اللي وصفته في خفاه
.................................... يظهر علـى نفسـي اثـر مـن هالمشاعـر كلهـا

ان كـان يوجـد فالشعـر غثـا فهـو هــذا غـثـاه
....................................... وان كـان فيـه ادمـان انـا مدمـن لقولـة خلهـا