راح يوم ٍ ترجعين تدورينك وسط عيني

من طرف **فهد بن محمد** الخميس نوفمبر 08, 2012 11:21 am

كنت ادور لك عذر في كل مره تتركيني
........... وكنت اعاتب كل مافيني اذا حاول عتابك
شفتي وشلون الغلا وتقولي انك ماتبيني
............. سامح الله كل كلمه مابكت عندي غيابك
دوري مابين كل الناس غيري واذكريني
................. اذكري رجفات قلبي كلما مريت بابك
اذكريني طفل يكبر كنت اسابق لك سنيني
................ كان ياخذ من شبابه ثم يعطيه لشبابك
اذكري لما فهمنا الحب كنتي تساليني
............ هو هذاك الي غدا بي يافهد مثلي غدا بك
بس كبرتي واعتقد انك تقولي يحتريني
............. وما اصاب الي عرفتي اعتقد انه اصابك
علموك اصحابك اشياء غير لكن صدقيني
............ اندفعتي في طريق ٍ ماحسبتي له حسابك
كل شي ٍ ممكن انك تحسبينه شي فيني
.......... الا انك تكتبين اسم ٍ على اسمي في كتابك
راح يوم ٍ ترجعين تدورينك وسط عيني
.................. وقتها ماراح تلقينك ولا حتى سرابك

.