سندباد البحر

علـى منظـور شاعـر رتـب حروفـه بمنـظـوره
...................... ومـع هـجـس ٍ تـعـدى ماتـعـود مــن سبايبـهـا
ماهو يقـرا قصايـد غيـره وينقـل مـن الصـوره
...................... يجيـبـه مــن هـبـوب ٍ داخـلـه هـبـت هبايـبـهـا
مــع الايــام بــه شـعـار بـيـن الـنـاس مـذكـوره
.................... مـــع الايـــام بـــه شــعــار تجـهـلـهـا قـرايـبـهـا
ماهوب الشاعر ابدا ً ينّسـى يالاعـب الكـوره
..................... بيـوتـه تستـمـر مـــع الـزمــن تـنـقـل عجايـبـهـا
اذا لـــه ملـهـمـه والملـهـمـه فالـشـعـر دكـتــوره
....................... فـلا لـه غيـر تـاتـي بالقصـايـد مــن مضاربـهـا
وانـا لـي ملهمـه بيـن الضـلـوع تعـيـش امّــوره
....................... امـيـره بــس حـلـوه يصـغـر الاســم ويناسبـهـا
ايـلا هـزت شجـر شعـري تهـزه هـز مقـهـوره
...................... واذا لـمـت ثـمـر شـعـري تـلـمـه فـــي ترايـبـهـا
هي الهاجس هي السجه وهي شعري ودستوره
...................... وهـي بيـت الشعـر والمفـرده واحسـاس كاتبهـا
يرفرف طيرها في كف شاعر يعشـق طيـوره
....................... ولـــه مـربــاع يشـتـاقـه ولـــو تـبـعـد تقـاربـهـا
يهجّـد مـن هنـا ثـوره تـحـرّك مــن هـنـا ثــوره
....................... مطالـب شعـب افـكـاره وجــت تعـلـن مطالبـهـا
صبـاح الشعـر ياشعـة صبـاح الشعـر يـانـوره
....................... مـسـاء الــذوق يـاهـبـة نسـيـمـه مـــن ذوايـبـهـا
هـنـا وســط الـفـراغ الداخـلـي اشـيـاء منـثـوره
........................ مبعثـرهـا زمــان مـاعـرف وشـهـي مواجـبـهـا
مثل ما هالفضاء ما ضاق ابد بجناح عصفوره
........................ فضـاءاتـي ابــد مــا ضـاقـت بـرفــة تجـاربـهـا
ماهيب التجربـه عنـدي سجينـة وقـت مأسـوره
.......................... ولكـن حـاجـة ٍ مــع رحـلـة الايــام اصاحبـهـا
الا يالملهمـه بعطيـك واجـب واقــري سـطـوره
......................... ماهـو واجـب دراســي بـيـن شـعّـار وحبايبـهـا
ولـكـن شـاعـرك عـنـده تــرا فـالـبـال سـبــوره
........................ اذا ماجـبـتـي الـواجــب يـبــي يـوقِـفـك جانـبـهـا
لـمـاذا قيـمـة الاشـيــاء ورا اشـيــاء مـطـمـوره
......................... لمـاذا الـنـاس مــا عــاد القـمـر فاللـيـل عاجبـهـا
لــمــاذا الـسـالـفـه تــالــي هُـلامـيــه ومـبـتــوره
........................... لمـاذا كثـرت بـروض الشـعـر تـالـي عقاربـهـا
لـمـاذا احــلام طفـلـه تنتـهـي تبـكـي ومكـسـوره
.......................... ماهـو كافـي وهـي تلعـب بكـت اجـمـل لعايبـهـا
لـمـاذا دورة الارض اصـبـحـت ماكـنـهـا دوره
.......................... لـمــاذا ايـامـهــا تـخـفــي سـكـاكـيـن بحقـايـبـهـا
لمـاذا الـدم فـي عــرق الـوفـا مـاعـاد لــه فــوره
........................ لـمــاذا ..ثـــم لـمــاذا ..ثـــم لـمــاذا يـــا معـذبـهـا
الا يالملهمـه يــا ســرّ شـاعـر يعـشـق بـحـوره
............................ يعشق امواجـه ويطـرب علـى نغمـة تضاربهـا
حـلاة البحـر كونـه مابنـى فـي شاطئـه ســوره
............................ وحـلاة امواجـه تسافـر عـلـى نسـمـه وتركبـهـا
يسافـر سندبـاد الشعـر معـهـا خـلـف اسـطـوره
............................ سـمـع عنـهـا ورا سـبـع الـبـحـور ولا تهايـبـهـا
يقولـوا رغـم مـا فيـهـا تــرا ماهـيـب مـغـروره
............................. تــدوّر مــن يـدورهـا وهــاذي هــي ضرايبـهـا
نسـى مـن بعدهـا صيحـات عشاقـه وجمـهـوره
............................ لاوالله هقـوتـه شـالـت مــن القـصـه صعايـبـهـا
وصلهـا بعـد مـا عـد الحسـاب بخمسـة شهـوره
............................ وهــو يستسـقـي آمـالـه وتمـطـر لــه سحايـبـهـا
الـى مـن الضـمـا حــده يسولفـهـا عـلـى جــوره
.............................. جمـع قـطـر الـنـدى مــن سالفتـهـا ثــم يشربـهـا
وصلـهـا والـوصـول اول مهمـاتـه ومـيـسـوره
.............................. بقـى لحظـة لقاهـم وش حصـل مـانـي مزهبـهـا
ولكـن الـوكـاد يـقـال كـانـت حييـيـل مـسـروره
.............................. والاكد قالوا انه من وصـل لهنـاك طـار(أ) بهـا