وقفي لحظه رجاء ٍ ودي اطرح لك سؤال

....


وقفي لحظه رجاء ٍ ودي اطرح لك سؤال
....................... كان ممكن لو تكرمتي عليه تجاوبيني

قالت اسأل بس خلك في حدود اللي يقال
...................... لا تهور ثم تخرب كل ما بينك وبيني

قلت ودي بس اعرف السر يابنت الحلال
................ ليه ايلا شفتك يصيح القلب تكفين الحقيني

ليه ايلا منك قربتي ادخل بحالة هبال
................... لا شعوريا ً اجدني احكي واقلب يديني

ليه تفصلني عن الواقع مساحات الخيال
............... كل شي ٍ يختفي ما اشوفك الا انتي بعيني

ليه ما تبقى ولا صوره ببالي للجمال
................. هل تكرمتي بأجابه لو سمحتي علميني

قالت الله ليه تسأل انت جاوب هالسؤال
.................. الاجابه عندك انت وليه فيها تحتريني



...