في هالمسا

من طرف **فهد بن محمد** الثلاثاء مارس 24, 2020 12:56 am

في هالمسا وش جبت لي ياشعر وانت اللي يجيب
.......................... وانت تدري اني هالمسا محتاج لك محتاج لك

مدام انا فالمنتدى ماعادني شخص غريب
.................................. فارجوك عاملني كذا وانا بعد بعاملك

تذكـّر ان مالي بترديد الحكي ايّة نصيب
.............................. لياك تجاملني وانا من خلقتي ما اجاملك

يعني مبيك تصير الاقشر او تصير اللي حبيب
.............................. مرات يمكن نتفق ومرات غصب اجادلك

احسب فهمني واعتلى المنبر وقف وقفة خطيب
........................... قال استمع فاللي اقول ولا تقوم ان جازلك

اببتدي بالسهل فاولها وبعدين الصعيب
.............................. يعني من اولها ابرفق بك كذا واساهلك

قلت السهل مهوب لي ضارب على سهلك صليب
............................. لا تضيع لوقتي وانا طول النهار مقابلك

اما تجيب من الذي تدخل تحت خانة عجيب
............................. والا ترى بتشوفني اتسمعك بس سافلك

في ساحة الاقلاع ما ينفع تصّيد من قريب
............................ لياك تنسى اني بوجهي مستميت وكافلك

دور عن الصيدات لو تقطع وراها كم شعيب
............................. يعني علومك فلها واليوم عطني صاملك

قال ابشر بسعدك وغاب وعادته لما يغيب
................................ يجيبها ان قاله الله مثل ماهو قال لك

جاني وهو يحمل معه اربع قصايد تستهيب
................................. انك تطوّل فالنظر فيها وترحم داخلك

حرك شجون ٍ راكده فالنفس يفهمها اللبيب
.................................. ناديت وحده قربي بالله وفلي جادلك

قامت تثنى في مدى سجة خيالي يارهيب
....................... وش هالتثني والغنج وش هالحلا اللي شاملك

الليل ياليل سرا بي كامرىء القيس بعسيب
............................. لما وقف مع سجته يابحر وينه ساحلك

خذه الخيال وذكره بالموقف المر العصيب
.................................. لكن خيالي يحتفل انه اخيرا ًحاملك

وين انتي عني من زمن رد الشعر عنها مجيب
............................. هذي ورى حد الخيال اللي تطول اناملك

ماقلت صعّبها وانا صعبتها كي لا تخيب
............................. وجاوب على تسائلي بعد انتهى تسائلك

متى بتنشرها وقلت الا النشر هذي مهيب
............................ للنشر كان عيون خلق الله بعدها تاكلك

حطوا على نشر القصيده ذي رجاء اكبر صليب
......................... واللي زعل مني بيرضى لو يقول مزاعلك