وتقرا نوب ٍ توزي ونوب ٍ تحرق كتابي

من طرف **فهد بن محمد** الإثنين مارس 23, 2020 11:11 pm

جمعت احساس غيبه هالليالي واكره الارقام
.............. اراها تبتعد بي عن حدود الشي بحسابي
ولكن ما زعلت ولو عليه تزعل الاقلام
........... اراضيها وتبقى رغم شرهتها من اصحابي
لاني غبت عنها دون ما تدري فلا تنلام
................ وانا عودتها ما اغيب الا كان يدرا بي
تحسب اني مخليها وانا خلاني الآلهام
............ وهو واحد من الاسباب والا واجد اسبابي
مدام ان العتاب بدافع الخوه مع الايام
........... يجب افرح اذا كان الغلا هو مصدر عتابي
لجل ناس ٍ تقول ابطيت واشوفه علي الزام
............. ارد الصوت من باب الغلا وانوخ ركابي
ترى فالشعر نزعات ٍ تسمى نزعة الاجرام
......... اعرف النزعه القشرا واعرف اكون ارهابي
اذا جمّعت في راسي خطأ كمّ ٍ من الاوهام
........ وصرت ادور الفرصه ولااملك ضبط اعصابي
مزجت احساس متهور واخذت لريشة الرسام
........... رسمت لخط ٍ اسود بين خط احمر وعنابي
وجيت اقول هاللوحه ترى صعبه على الافهام
............. آدب فوق انكم حتى تعيشوا جـوّ آدابي
اقول الله يرضى لي على من ردني كم عام
............. يذكـّرني وانا طفـل اتكلم جـدّ لالعابي
ولكن ابتسامة طفلة نادت عليه وقام
......... وجاها يركض وقالت خطفت العين باهدابي
بعدها ماعرف ليه ارتبط في عينها باحلام
............ وصار اللي يناديها درت وتقول له ماابي
تعلمت الكتابه وابتديت اكتب عن الآلام
............. وتقرا نوب ٍ توزي ونوب ٍ تحرق كتابي
وجاء يوم الفراق الي فرضها فرض بالارغام
....... وصرت اكتب رسايل ما تصل لعيون غيـّابي
ماعاد الا القصايد لي مثل ما الدمع للايتام
......... اردد ليـه يادنيا زمانـك ويـش سـوابي
هنا بعض الاجابه للغياب وللضروف احكام
............ عساك الان تعذرني وتفهم وينه غيابي