وشلون قلبك طاوعك

من طرف **فهد بن محمد** الإثنين مارس 23, 2020 11:07 pm

ما بين كم اسعدتني وما بين كم اشقيتني
سؤال يطرح نفسه ويطلب اجابه واضحه

دام الـغـلا مـوجــود ليه البارحــه خليتني
ياليت تدري وش حدث بعدك بليل البارحه

وشلون قلبك طاوعك وانا انتظر ماجيتني
وشلون ما هزه حنين الله بس يسامحه

انا اسألك مابي اجابه اسألك ما اوحيتني
ما اوحيت نفس ٍبالغلا نادت باسمك صايحه

ما قلت في نفسك ياليتي ماتركته ليتني
ما مر بك هاجس يقول ان الشقا ملامحه

الله لـو تدري لـوين اخـذتـنــي و وديـتـنـي
بافكار كانت في سماء النسيان مثلي سارحه

لو جيتني في آخـر الموعـــد كذا لقيتني
كرسي وانا واربع ورود ٍ ذابلات ٍ طايحه