هنا كانت صخابة شعر كانت واحة الشعار

من طرف **فهد بن محمد** الإثنين مارس 23, 2020 10:19 pm

ترا كلٍ يروح و يبتعد لكن مهما صار
............ يقولوا ما حدٍ ينسى ابد لا روّح اخوانه
على طول الليالي كل ما سجيت بالافكار
.......... قسم بالله كنتوا مصدر الهاجس وعنوانه
امر المنتدى ماهيب مره جيت له امرار
........... اوقف في زواياه الكئيبه والمس احزانه
ابتذكر يقولوا نوب ينفع وازع التذكار
......... يوازن معطيات النفس كان النفس تعبانه
هنا كانت صخابة شعر كانت واحة الشعار
........... وكانت خربشات الربع تملى كل جدرانه
هنا كنا ندوزن للشعر مجموعة الاوتار
.............. هنا للفن اجمل ملتقى مع روح فنانه
هنا كنا نتابع بعضنا نتسقط الاخبار
............... وراه فلان ما بيّن ورا مابانت فلانه
ابي كل واحد ٍ يرجع لذاته يطرح استفسار
.......... وش الانسان لو ضيع بنفسه قيمة انسانه
ابطرح حالةٍ وحده فقط تحتاج استشعار
......... ترا الانسان يصغر لاكبر في عين شيطانه