وش باقي ياطفلة هواي

من طرف **فهد بن محمد** الإثنين مارس 23, 2020 10:00 pm

وش باقي ياطفلة هواي
غير اني اعيش الهوى تذكار
وارجع اعيدك يازمن
لايام كنا صغار
وابدا استعيد الذكريات
كانت تجيب العابها
وانا حبيس الانتظار
من بابنا ..
عيني تراقب بابها
وايلا اقبلت ..
كن الفضاء
يفرد ذراعينه .. تعال
وكني حييت
واصبر ...
وياطول الزمن
متى تناديني واجي
ياحبي لذاك السؤال
وينك ؟ , تراني جيت
واركض لها وانا احس
ان كل شي مني .. يغار
اجلس وانا ودي اقول
اشياء كثيره ..
باختصار
اجلس اراقبها وهي
مره هنا ومره هنا
وهي ترتب للمكان
وانا انشغل بعيونها
وتسألني
هاه تلعب معي
ثم انتبه واقول
اعيدي ترتيب المكان