ياطير ياللي فالسماء شاقك الحوم
صفحة 1 من اصل 1
ياطير ياللي فالسماء شاقك الحوم
من طرف فهد بن محمد السبت فبراير 11, 2017 12:54 am
ياطير ياللي فالسماء شاقك الحوم
ياليت لي جنحان مثلك تشابه
واطير من شي بها الصدر مكتوم
لديار من سافر وقلبي غدابه
من غاب جفني ما عرف لذة النوم
والصدر كم هوجاس شوق ٍ سرا به
ماهو غياب يقدره قلب مكلوم
قطّع نياط القلب والله غيابه
وين اهتني والصدر بالحيل مزحوم
ماهوب هم واحد ٍ والتجا به
غيبتك ماهي هينه وآه ياقوم
من هالليالي كيف صارت كآبه
هذي حاكاية غيبتك ليل ونجوم
واهات واحلام ودفاتر كتابه
وفي جيتك كن الفضا بات مقسوم
يستقبلك قدر وحنان ومهابه
لاحت بروقه لك تباشير وغيوم
ولجلك بروض الصدر هلت سحابه
اغليت انا من بد الايام ذا اليوم
يوم يجيبك كل ما ابيه جابه
فهد بن محمد- Admin
- عدد المساهمات : 142
تاريخ التسجيل : 01/06/2012 -
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى