فيه ثنتين ٍ جميله من عيوني ما تطيح

من طرف **فهد بن محمد** الجمعة يونيو 08, 2012 7:24 pm

آه مــن لـيـل ٍ تركـنـي بـيـن طيـاتـه جـريــح
..................... وآه من ليـل ٍ تباطـى لـه سنيـن ٍ مـا سـرا

مستبيـح ٍ سـجـة الشـعـر وديــاره مستبـيـح
.................. دام ذا الليلـه طرالـي طـاري ٍ مــا قــد طــرا

انت علمني عن الشعر الركيك مـن الصحيـح
................ ركــز عيـونـك هـنـيّـا قـــل بـعـدهـا وش تـــرا

وانتبـه بيتيـن ابمزجهـا مـع الشعـر الفصـيـح
................. قـلـت ابينـهـا عـشــان الـلــي قـراهــا لاقـــرا

لــو بـكـتْ اقـلامُـنـا / والـحـبـر عـيــا لايـبـيـح
................... قـد يكـون الشـوقُ اكـبـر / مــن كتابتـهـا تــرا

وان دريـت قلوبـنـا / لا تستـطـع أن تستـريـح
.................... فاعرف ان الشوق فيها / حجمهُ حجم الورى

ياخـي خلـك لاقريـت الشـعـر انـسـان صـريـح
.................. واشـعـر انــك يــوم تـقـرا انـنـا فـيــه خـشــرا

ماكتبـتـه يــوم ادور فـيـه عــن كـيـل المـديـح
.................. لا يـقــدمــنــي مـــديــــح ولا يـرجــعــنــي ورا

فيـه ثنتيـن ٍ جميلـه مـن عيونـي مــا تطـيـح
....................... يـوم الاشيـا الثانيـه قــد يعتريـهـا مــا اعـتـرا

القـصـيـده كـانـهـا زيـنــه ونـظــرات المـلـيـح
....................... حاجتـيـن ٍ تفـتـري فـيـنـي بمـعـنـى الافـتــرا

القصيـده فـي عيونـي تعتبـر كــون ٍ فسـيـح
........................ والعـيـون الـسـود يـافــرق الـثـريـا والـثــرى

وكـان تنشدنـي عـن اللـي يعتبـر عنـدي قبيـح
........................... كــان يـغـدر بــك رفـيـق ٍ تعتـبـر مـثـلـه ذرا

ومنظـر ٍ ودك بعينـك يـوم تشبـح بـه تشيـح
......................... دمــع رجــال تــولاه الـقـهـر غـصــب وجـــرا

وانتبـه للمـزح احيانـا ً تـرى يصبـح مُـزيـح
........................... يبعـد الاصحـاب ويسبـب لـجـرح ٍ مــا بــرى

وانتبـه يـوم تجـي فـي موقـف الـلازم شحيـح
........................... الـزمـن طبـعـه يــدور وتـسـمـع لـــرد الـبــرا

وفيـه نـاس تستحـي احـذر عرقـهـا لا يسـيـح
........................... مــــرر الـمـوقــف كــانــك مــادريــت ولا درا

ومـن تصهيـن لا تفكـه لـو قعـد عنـدك يصيـح
................................والله انــك مــن تفـكـه بــاع فـيـك ولا شـــرى

اعـرض افكـاري ولا عنـدي تـرا راي رجيـح
............................. ربمـا نــاس تـشـوف الـلـي سـبـق كـلـه هُــرا