من يحرث الارض وزرع يستاهل انكانه حصد

تبون شعر ما بعد مر وسمعتوا له ابد
............................ ولاخطر في بالكم والا على خاطر طرا

والله لجيبه من بطن بحر الشعر وانا فهد
............................ لاقلت ياليل الشعر نسري توكل ثم سرا

جبته بعيد عن مسار الشعر في كل البلد
............................ يعني ماهوب اي واحد ٍ تجوز له اذا قرا

اعوذ بالله الرحيم من التجاوز والحسد
.......................... واعوذبك يالله من منهو على الشعر افترا

بمسك طريق السالفه وشوي شوي بنبتعد
.......................... بس المهم مهما حدث ما نفكــّر نعود ورا

منهو سفير الشعر في مجلس أممه المعتمد
............................... منهو حكم ممالكه والا رئيس الوزرا

قالو بلاده مشرعه ماتنحكم بالمستبد
................................ واكثرقوانين البشر هذي لقتل الفقرا

ببلاده الاشياء كماهي مثلما اول وجد
........................ نفس المروج الرايعه نفس السما نفس الثرا

كم واحد ٍ جاء مكتشف احد ٍ رحل واحد قعد
.......................... اللي رحل ما يعرفه واللي قعد سام وشرا

ثم انتشر امره وصار المورد اللي له ورد
........................... جمع ٍ يرونه منتجع حتى قصدوه الامرا

وصارت مع الايام لمة هالمكان بلا عدد
....................... حتى اصبح الامر اعتيادي او درا من لادرا

هذي مصيبه وش تسوي بهالمصيبه ياولد
.............................. هذا هو والله الزمان اللي يسمى اغبرا

حاولت اجمع شعبه الاصلي وقلت بنتحد
....................... ماهو على كيف الجموع تكون معنا اخشرا

من يحرث الارض وزرع يستاهل انكانه حصد
......................... اما كذا يشقى الضعيف ويحصدون الكُبرا

حاولت فيهم اثبتوا ايلا متى نصبر بعد
............................ واشوفهم تحمسوا لكن بعدها وش جرا

ماجاء كبار السارقين جونا محبين النكد
............................ امامهم غصب على ربعي تعود قهقرا

عاثوا فساد فالمروج كل يخرب ما وجد
.................. صارت كذا فوضى وصاروا من كبار الشعرا

من بعدها استسلمت كل المداين ثم خمد
.................. ذاك الوهج فالشعر واصبح مثل ما عينك ترى