جرحي الدامي

من طرف **فهد بن محمد** الخميس مايو 14, 2020 10:13 pm

الا يا جرحي الدامي انا مثلك ترى دامي
انا انزف مثلما تنزف واحس بنفس احساسك

اذا تكذب لك ايامك انا ما تصدق ايامي
لو تجرب بعض ناسي اظن بتسمح لناسك

صحيح انك معي جرح يسبب بعض الامي
والاصعب اني اشوفك تغور وتلفظ انفاسك

حلمت انك تطيب وكنها يا جرحي احلامي
زماني حاسها والان كملها وجاء حاسك

انا اشهد لك شهاده لو تطيح بطيحتك سامي
على صبر صبرته والالم يخسى ولا داسك

نبي نصبر على جور الزمان الصبر الزامي
وله ما ينحني راسي وله ما ينحني راسك

(قسم بالله) بين اقواس لصبر طيلة اعوامي
وابي تحلف تطمني بحلف ٍ بين اقواسك

نبي نهزم ظروف الوقت لو اثنيننا دامي
نخلي هالزمن يعرف بقوة باسي وباسك