ياقـلـم جيـتـك بهـمـي يـــا رفـيـقـي فالـهـمـوم

من طرف **فهد بن محمد** الإثنين أبريل 06, 2020 11:52 pm

ياقـلـم جيـتـك بهـمـي يـــا رفـيـقـي فالـهـمـوم

يـوم كـل النـاس تكسـر مـن زعـل لاقلامـهـا

مـا خـرج هـم القصيـده مـا دخـل للعيـن نـوم

يـوم كــل الـنـاس حـولـي غـارقـه باحلامـهـا

الشعـر جانـي حزيـن ً والقصايـد فـي وجـوم

وكـل احاسيـس ً بنفـسـي نكـسـت لاعلامـهـا

جيـت اعـد همـوم نفسـي كـنـي اعــد النـجـوم

ونفـس شالـت للفضـا يـا لعنـبـو مــن لامـهـا

ويـن عنـي هالجبـال و ويـن عنـي هالرجـوم

والله انّـــي ودي ارقـــى دام نـفـسـي دامــهــا

كــل مــا عـلـم ً بغتـنـي قـلـت قـدامـك عـلــوم

وكـــم عـلــوم ً بـاقـيـات ً مـــن ورا آكـامـهــا

خبريـنـا يـــا سـنـيـن ً اعـقـبـت قـــوم ً بـقــوم

قــوم هــدت للـخـيـام وقـــوم تـبـنـي خيـامـهـا

الفرح يـوم ً ويمضـي والحـزن يبقـى ويـدوم

وتظـهـر النـفـس لفرحـهـا وتحتـفـظ بالامـهـا

من عرف اصل الزبرجد من درسها فالعلوم

مـن قـرا التاريـخ واصـل ليـن سبـع انعامهـا

العرب قامت تراطن شعر فرس وشعر روم

أثّــــرت فـيـهــا عــواجــة الـسـنــة خـدامـهــا

والله ان ودي لو ان كل شاعر ً يدفـع رسـوم

كان سـوق الشعـر الاصلـي تتضـح ارقامهـا

في زمان الكل شاعر في زمـن قـم بـس قـوم

مثل من صلـى صـلاة ً مـا يعـرف احكامهـا

وكلمـة ً عوجـاء تراهـا العـن انـواع السمـوم

ليـت مـن خذهـا مـن القامـوس و تـم اعدامهـا

معركـة خمسيـن عـام ً تبتـدي بكلمـة هـجـوم

أربــع حــروف ً ولـكـن قـــس بـمــا قـدامـهـا

ليت لي يا الحر الاشقر مثل مالك كان احـوم

ووالله انـي غيـر احـوم لحـومـة ً مــا حامـهـا

والله انـي غيـر لارقـا ثـم لارقـا لـيـن اعــوم

في مجـرات ً اجيهـا واسكـن احـدى اجرامهـا

وابتعد عن كوكب ً كله صراعـات وخصـوم

منـوتـي لــو مــن تمـنـا مـنــوة ً لـــه رامـهــا

القصـايـد بعضـهـا تدعـيـك تقـعـد ثــم تـقــوم

والقصـايـد ثقلـهـا مــا هــو بكـبـر احجـامـهـا

والقصايـد فيهـن الـي مثـل فزعـات الـرخـوم

عـذره المهـره ذريـبـه بــس ضــاع لجامـهـا

ياقصيـده كــل شــي ً كــوم والسـجـات كــوم

صار لا شيء الزبرجـد عنـد صـب الهامهـا

والله ان مــرات ودي لـــو اكـلـتـك بـالـهـدوم

و والله ان مــرات يكـفـي بــس اذوق يدامـهـا

ايلا هنا بان الصباح لشهريـاري ثـم تصـوم

واسـتـعــدت لـلـرحـيـل ورتــبــت هـنـدامـهـا

الـوعـد قـالـت مـسـاء ً بـيـن هـاذيـك التـخـوم

قـلـت يــا بـعـد المـسـا يـومـه كـأنــه عـامـهـا