فلسفة شعـــري

من طرف **فهد بن محمد** الإثنين أبريل 06, 2020 11:40 pm

بالشـعـر كـنـك مـوقـع للـوجـود انـبــل وثـيـقـه

بيـنـك وبـيـن الـوجـود وبـيـن انـسـان ٍ يعـانـي

الشعر ما هوب شعر ان دار من حول الحقيقه

الشـعـر فــن الحقيـقـه وهــي تــدوّر فالمعـانـي

من يبي يطرح شعوره يزهم احساس السليقـه

والشعـر احـلاه تسـمـع مـثـل مــا والله جـانـي

والله انــي اعـشـق احسـاسـه و كـلّـه مستليـقـه

كني بروض ً واخايل هالسحاب الـي غشانـي

روض علتـه السحابـه تبتسـم وسطـه عشيـقـه

وجيـت ثالتهـم وصـارت اول وثـالـث وثـانـي

روضـة ٍ فيهـا قصيـده تنقـل الخطـوه رشيـقـه

تبتـرم حولـي وكـنّـي يعـنـي انــي مــا عنـانـي

للشجر صوت الحفيـف وللزهـر لمسـه رقيقـه

منـوة الـي خـاب ظـنـه بمستحـيـلات الأمـانـي

تنوجـد ستـيـن فـكـره وســط راســي بالدقيـقـه

ولا تقـولـوا وش عـلاقـة هالدقـيـقـه بالـثـوانـي

والله لو اطلـق خيالـي كـان وخـر عـن طريقـه

مـا يـدور عـن مرافـي ولا يبـي يلـقـى مـوانـي

يبتدي باصغر شراره وينتهـي باكبـر حريقـه

ما كتب من شان طفره ولا كتب لجل الاغاني

إنولـد شاعـر ذبـح لـه هالوجـود اكـبـر عقيـقـه

بـس يــا خـوفـي تـقـدم او تـاخـر بــي زمـانـي

شاعـر يكتـب مـربـع مــا بـعـد اســس فريـقـه

وذاك يكتبها عمـودي وذاك يكتبهـا اسطوانـي

فلسفـة شعـري رفيـق ً ساكـن ً مهـجـة رفيـقـه

واحتويته بس اشوفـه ابتلـش بـي مـا احتوانـي