تتغير الدنيا ولكن بعض ناس
صفحة 1 من اصل 1
تتغير الدنيا ولكن بعض ناس
من طرف فهد بن محمد الإثنين أبريل 06, 2020 10:48 pm
تتغير الدنيا ولكن بعض ناس
يبقون في نفس المكان وضروفه
الي جهل ان الشعر ثورة احساس
فهو جهل معنى وقيمة حروفه
كل شي فالدنيا وله مرجع وساس
حتى القمر له قصته في خسوفه
لما تعامد هالثلاثه بمقياس
على كذا ماعاد نقدر نشوفه
لاصرت جاهل فالظواهر فلاباس
تعلم وتصبح امور معروفه
المشكله لاجاك مفتي وبلاس
قال القمر مسروق يصفق كفوفه
هنا اقول انه خبل ضايع الراس
قضيتي مع من يصدق حلوفه
مثله مثل منهو يشخبط بقرطاس
ويقول هذا شعر شوفوا صفوفه
ياليتهم يدرون وشلون يحتاس
الي يحس بهجسها لا تطوفه
ماكنه الا من غزا البحر غطاس
يبحث عن الدر المخبى بجوفه
ان جابها والا اخذ بعض الانفاس
ثم عاود الكره بصبر وحسوفه
فهد بن محمد- Admin
- عدد المساهمات : 142
تاريخ التسجيل : 01/06/2012 -
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى