درة الشــــعر
صفحة 1 من اصل 1
درة الشــــعر
من طرف فهد بن محمد الإثنين أبريل 06, 2020 10:44 pm
لك في خيالي قصيده غير ياعمري
ماتنكتب بالحبر او فوق الاوراقي
هذي قصيده تتوج مرحلة شعري
او درة الشعر ولهم خلي الباقي
مطبوعة قبل ما تكتب على صدري
ابياتها تعشقك مثلي وتشتاقي
لاجاتك بيوتها لا تسالي مدري
والا تقولي هذولي ليه عشاقي
لو جبت لك كل ما يطري وما يطري
انكان ضاقت لك افاقك مع افاقي
بدري عليهم يجيبوا مثلها بدري
والا يجيبون نبضه مثل خفاقي
سرياتهم غير مايسرون وين اسري
انا لك اسري بذاتي داخل اعماقي
واجيب لك شي في تركيبته فطري
ما خالطه غير اخلاصي وميثاقي
مع دمعتين ٍ توسط منطقة عذري
وحده ليا جيت وحده دمعة فراقي
خليتها فيه خوف يفيض بي صبري
وتمنعني بلحظة الافصاح اخلاقي
يامن عطى للوجود الجانب السحري
الي اشوفه وانا في لحظة اطراقي
كنه يقول الشذى ماخوذ من عطري
وكنه يقول الشفق خذ لحظة اشراقي
فهد بن محمد- Admin
- عدد المساهمات : 142
تاريخ التسجيل : 01/06/2012 -
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى