الجو غيم وساقني يمك حنين
صفحة 1 من اصل 1
الجو غيم وساقني يمك حنين
من طرف فهد بن محمد الإثنين أبريل 06, 2020 10:37 pm
(الجو غيم وساقني يمك حنين..
الله يجيبك يوم جاب الله مطر)
خلي مساءات العتب لاتعتبين ..
ماهو حرام اللحظه الحلوه تمر
هيا انثري هالابتسامه لو تبين ..
في ليل ما يبقى باطرافه سهر
منهو انا لا تنشديني انت مين ..
انا البشر وانتي ترا كل البشر
احيان نقدر نختصر في صورتين ..
شي ٍ يبي شرح احتمالاته عمر
فيه احتمال انّا نمثل عاشقين ..
وفيه احتمال انّا السحاب الي عبر
يازين لا جاتك على كيفك يازين ..
كالشاعر اللي دقر براسه شطر
لما التفت لفته صغيره لليمين ..
جيت و نثرت اربع قصايد من عطر
ما عاد يدري كلها شي ٍ ثمين ..
ما جت وهي متفرقه جاته نثر
وده يقول ارجوك لا لاترحلين ....
وده ولكن لــو بغاها ما قــدر
وين انت يا احساسي ابيك بكلمتين ..
لا تعتذر ماعادها لحية عذر
خذني الى حد التقاء النقطتين ..
اللي تحدد هاهُنا يوجد شعر
واختار وانت ادرى وسيد العارفين..
بالقافيه والمحتوى نوع البحر
وزعني بكل اندفاع الصادقين ..
بين اللغه واحساسها واروع صور
شكل لها ما يختصر كل السنين ..
في ليلة ٍوحده بسطرٍ مختصر
هات القصيده يارفيق المبدعين..
اللي لها يطرب ايلا جت من حضر
قل وين نبدا هالحكاية وش تبين ..
ناخذ تباريح المساء والا الفجر
معك هنا والا هنا او بين بين ..
من وين ما وجهتها جبنا الخبر
اصلا وجودك يربك الدنيا لوين ..
لوين مدري وين لكنـّــه خطر
يحناج له شاعر ذكي لكن رزين ..
يعرف متى ياقف معك او يستمر
وانا مثل ماتخبري ماني ذهين ..
اضيع من اول سطر لاخر سطر
احيان اقول انك عملتي لي كمين ..
واحيان اقول ابدا وهي وجهة نظر
يبقى السؤال اللي سألت وتضحكين ..
مدري براءة تضحكين او من قشر
لو تسمحين ابسألك لو تسمحين ..
ايلا حضرتي ليل من خبى القمر
فهد بن محمد- Admin
- عدد المساهمات : 142
تاريخ التسجيل : 01/06/2012 -
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى