تعالي واتركـي كـل القصيـد اللـي تعرفينـه

من طرف **فهد بن محمد** الجمعة مارس 27, 2020 11:31 pm

تعالي واتركـي كـل القصيـد اللـي تعرفينـه
تعالي ودي اسمّـع لـك بيـوت ٍ علـى بالـي

خذي مني وعـد كـل بيـت بتقوليـن يازينـه
واذا به شك عنـدك اطلبـي واحـط معدالـي

انا يابنـت مانيـب اكتـب الاشعـار تزبينـه
ارقعها كـذا والا كـذا واقـول يــا لالــي

انا ارجـع بالشعـر لين يتذكـر اول سنينـه
وارده لين يتعايش مـع الايـام مـن تـالـي

ارتب لـه حكاياتـه والخبـط له عنوايـنـه
وكل اللخبطه من شان اضيـع فيـه عذالـي

كتبته لك ويكفينـي اذا جـاء لـك و تقرينـه
وصولـه لك يحـقـق فيه امـالـه وامالـي

تبيـن اعلمك وش سـره اللي فيـه تغلينـه
لانـك داخلك قلتـي كتب لـي بـس بلحالـي

وتبين اعلمك سـر ٍ بذاتـي مـا تشوفيـنـه
قبـل مـا اكتبه جريت بـه فالصـدر موالـي

بكذا لولاك كـان الشعـر بالتحديـد ياشينـه
بدونك كان ما حـرف ٍ من الاشعار يحـلا لي