مغير ببلاكه يطقطق طباعه

من طرف **فهد بن محمد** الجمعة مارس 27, 2020 11:24 pm

لي صاحبن اربـع وعشرين سـاعه
استغفر الله يـرقد شــوي ويقـوم

بس قصتـه قصـه ترى ياجماعـه
في مجلس الاصحاب ضايع ومحروم

مغيـر ببلاكـه يطـقـطق طباعه
يضحك وهو وحده ومرات مهمـوم

ماعاد عنـده بالمجالـس سناعـه
ما عاد ياخذ علـم ما يعطي علوم

ومدنق راسـه ومرخـي كراعـه
ياقـوم من شكلـه اذا سج ياقوم

ماكنه الا طفل يرضـع رضاعـه
بس الطفل يفطم وهو غير مفطوم

امحق زمان جاب امحق بضاعه
ليته تواصل لكن القصـد مفهوم