جيت افضفض عليكم يخرب الفضفضه

من طرف **فهد بن محمد** الجمعة مارس 27, 2020 9:08 pm

من فضاء ٍ صغير الى فضاء ٍ كبير
............... جيت افضفض عليكم يخرب الفضفضه

اقبلوها لاني ما قبلت استشير
............ من اصدق وانا اسمع سيل من موعضه

ما اكتب الشعر ولا ادري وش كتب به جرير
.............. بس طحنته بصدري طحن قبل اقرضه

وش علي لو تقولوا انت ياخي خطير
.................. مبدأ ً فالشعر مبطي تراي ارفضه

كان ودك تسوي لاقريته لخير
..................... افهم البيت لاجل الله ثم احفظه

البلا لا توسطت العرا والهجير
............... وجاء لقلبي من اللي خابر ٍ يمرضه

وجبت من مفردات الشعر نفح العبير
................ كيف ابقدر عليكم لو بغيت اعرضه

اتحمل مثل رجل ٍ كريم فقير
................. او مثل ما فرضها الطاغيه افرضه

وش اسوي وانا اللي بينها مثل طير
..................... انكسر به جناحه ماقدر ينهضه

اتحسر على درب الشقا والمسير
................... وافصخ لثوب ايامي كذا وانفضه

ماترك اول الابداع شي للاخير
................... غير افكار شعر ٍ صنفت مغرضه

في فضاءات بث ٍ قدست للبعير
.................. جمعت من فتاته وانبرت تعرضه

خلني خلني ارجع اهز الضمير
.................... ربما كثر هزي له يبي يوقضه

ارجع بشي واحد ماعلي وش يصير
................ ما نخيت الدراهم ولا معي محفظه

ارجع بعزتي او ارجع بشعر غير
............... او عن الشعر كله تكفي المضمضه