الكوكب الدري

من طرف **فهد بن محمد** الجمعة مارس 27, 2020 8:26 pm

سما وان كانها دون السما ياهاجسي اخطيت

......................تبي ترقى بها والا تراني منك متبري

اذا ماكانت الرحله كذا والا لها الغيت

....................تقول الي تقوله ويش مني كنت متحري

جبال الشعر ماعادت تكفيني ولا خليت

.........................بها رجم ولا جيته ولله درها ودري

ولكني بديت امل مرقاها وايلا مليت

.................. رفعت عيوني ادور ونفسي قامت تطري

لعين الي يطيب لها الشعر ولشوفها حنيت

................... رياح الشوق هبت بي وانا منيب متذري

قصايدها اوصيها وهي تبحث لها عن بيت

...................... ورى نجم الثريا دوريه هناك وافتري

تبي ياهاجسي ترقا بها لهناك او ذليت

................. ترى الموضوع مابيني وبينك يعتبر سري

همس فـ ذني انا ودي اخدمك بس ما ظنيت

.................... لو اصعد للثريا ما تقول الكوكب الدري

انا اعرف قدرها عالي بنفسك ويش ماسويت

.................... تبي تطلب مدى ابعد ولكن رسني بري

هنا وقف الكلام وساد صمت يقطعه تنهيت

...................... اماني تنتخي هبة نسيم ٍ يمـّها مري