فكيت صدري قلت شوفي مكانك

من طرف **فهد بن محمد** الجمعة مارس 27, 2020 7:51 pm

هرجك بها الاسلوب يحتاج تفسير
............. وانا الذي متحمله بس عشانك

مفروض كل كلمه تجي بعد تفكير
............ وتفكيرك انتي اعتقد في لسانك

والا ورى هرجك معي دايما ًغير
............ بلحظه تجين بقسوتك وبحنانك

لو كان غيرك كان قد قلت له طير
............. رح ذاكر الايام وادرس زمانك

بس انتي ما تقبل معاي التعابير
.............. اقسى ولا تقدر على امتحانك

انتي غلاك لكل نبضه تباشير
............. قالت ابنسج روعته في كيانك

لو للصبر امبير يلتف الامبير
............... الفين لفه من سبايب جنانك

قالت زعلت الله يصبحك بالخير
........... ياغلا من عيوني وطوعة بنانك

سويتها تعرف قلوب الغنادير
........... تاخذ غلا وتقول زد في ضمانك

بعرف مكاني وين منك المعاذير
.......... فكيت صدري قلت شوفي مكانك