أشبــــاه ســــارة

من طرف **فهد بن محمد** الجمعة مارس 27, 2020 7:41 pm

يالي وصفت الزين تلعب على مين
قلي واصدق كان تاصـف خيـاره

ماشفت شي من حلا ساكر العين
يسكرك لوك ما تعـرف السكاره

لو جت عيونك عينها قلت بعدين
مثل الشـراره مير ماهي شراره

ولو ركزت يمك نظرها على وين
بتروح من جـيش ٍ بدا بالاغاره

ولا فالبنات الي تسمى مـزايين
لو جت معاهن ما يسمى اثـاره

لو يجتمع فكر البشر والشياطين
ما قـّربوا لوصافها لو اشـاره

قالـوا وقالوا قلت لا يالمجانين
ماحولكم حول ٍ ولا من شطاره

فوق الخيال الي يطير بجناحين
لو يقتبس والا يجيب استعـاره

والله لو يفـتر له مـدة سنين
ما عـّود الا بالتعب والخساره

وشلون اجل تطلبني اقول بيتين
فيها وهي فوق الخيال ومداره

من وين اجيب المفرده قول ياشين
و في غيرها تلقى لك أية عباره

ذي وصفها يحتاج ثورة براكين
لا تحسب ان العلم شفطة زقاره

في شعرها تحتاج عمر ودواوين
وشاعر وضع للمستحيله شعاره

ما فالبنات الي من آدم الى الحين
وحده بعيني تشبه اشباه سـاره