الأطباء وقلب عاشق كيف هذي يكتبوها

من طرف **فهد بن محمد** الجمعة مارس 27, 2020 12:05 am

أستعير المفردات الي بعدهم ما قربوها

ـــــــــــــــــــــــــــ ومن نشدني قلت هذي كلها من مفرداتك

مفرداتي لا بعضها منك جتني كلبوها

ــــــــــــــــــــــ انت من واجب سؤاله هاللغة من وين جاتك

لو دروا كان أي لغة ماهي لغتك يحاربوها

ــــــــــــــــــــــــــــ وكان صار الكون كله ينتحلها من لغاتك

القصايد عذبت شعار تالي عذبوها

ــــــــــــــــــــــــ بعضهم لو مر يمشي ما قطع حتى صلاتك

صورة ً ما هيب يمك وابلشوك وركبوها

ــــــــــــــــــــــــ ما دروا انك خيالي صعب تتصور صفاتك

الأطباء وقلب عاشق كيف هذي يكتبوها

ــــــــــــــــــــــــــ ويا طبيب القلب قلبي ما درا بمسكناتك

والأطباء ودم عاشق عيـّـنة كل ما اسحبوها

ــــــــــــــــــــــــــــــ عودت للعرق الاول تستعيذ بذكرياتك

والأطباء والخلايا يزرعون يجربوها

ـــــــــــــــــــــ وازهرت ورد الخلايا ونفحها من اعطياتك

والأطباء والحنايا والاشعة كذبوها

ــــــــــــــــــــــــــ وكذبوني ما يعيش انسان فسرها حياتك

كم حبوب ً اكلوني وكم آبر في ضربوها

ـــــــــــــــــــــــ صعب يرضون الهزيمه قالوا الليله مماتك

علة ً قالوا لعينه قلت ايو الله لعنبوها

ـــــــــــــــــــ ما دروا ان الدوا المفقود موجود بشفاتك