السوالـف ناعمـه

من طرف **فهد بن محمد** الإثنين أبريل 06, 2020 11:34 pm

جت قصيدة قالت الاخرى ياعل ما تربحـي

تسبقينـي .. قالـت الاولـى عسـاكـي سالـمـه

كنـت اركـز يـم هالشاعـر وانتـي تشطـحـي

وان زهمنـا جيـت انــا قبـلـك لأنــي والـمـه

لــو تسـويـن الهـوايـل مــا سبقـتـي ريـحــي

والله انـي مغرمـه بـه ومغرمـه فــي عالـمـه

وانتي لاحساس المشاعر يا غناتي تجرحي

يــوم خليـتـك ظلمـتـي شـاعـري يالظـالـمـه

دوري غيـره قسـم مـا انتـي لمثلـه تصلحـي

هــو يـبـث الـوجـد وانـتـي بالحنـايـا كاتـمـه

قالت ارجوك اسمحيلي طالبتك ان تسمحـي

قدمينـي يـا انطـلاقـة خـيـر والا .. الخاتـمـه

قالت افهم وش شعورك روحي لا تشرحي

بيسـألـك عـنـي فقـولـي لــه تـرانــي نـايـمـه

مهجة الشاعر جديده هالقصيـدة .. اسرحـي

مــع خـيـالات التغـنـي واستهيـمـي بهـايـمـه

قالت ابغي قصر في صـدرك بنيتـه طبحـي

انزلـي قصـرك مغيـر انتـي وانـا والخادمـه

الله الله لادخلتـيـه اسـرحـي بــه وامـرحــي

لا تصيـري سيـدة قـصـر ً جميـلـه حـازمـه

مـا بـدا لـك افعلـي بـه ولا تقولـيـن استـحـي

مـا بـه الا انتـي بقلبـي بـس قـلـب وحاكـمـه

ابطـري او ارحمـي او عاتبـي او اصفـحـي

وكونـي مسـرح حقيقـي مـن رؤاك الحالمـه

اركضي جنب النهر او انزلي بـه واسبحـي

لا يـردك مـا يـردك قـالـت.. طـيـب فاهـمـه

لحظة لحظة .. بس انزلها ستاير مسرحـي

مـا يصيـر ارفـع ستايـر والسوالـف ناعمـه

من طرف عابر الخميس يونيو 25, 2020 8:15 am

من بعد ماطال الغياب مريت اقلاع مرور الكرام
طال ، وطاب المقام عند قصائدك !
فهد بن محمد كيفها أحوالك
ويييينك يارجل
وين نلقاك / وين نقراك !
" عابر "

رد: السوالـف ناعمـه